السلام عليكم ورحمة الله وبركاته.
صباح/مساء الخير جميعاً .
إن شاء الله الكل بصحة وعافية ..
.
.
.
قبل ما أكتب هالتدوينه فكرت كثير هل أنا قادرة إني أكمل كتابتها بدون ما تنزل دموع وتجتاحني مشاعر الاشتياق أو لا ؟
فجازفت وبدأت أكتب ..
بداية الاسبوع الماضي كانت من أصعب الايام بحياتي بسبب وفاة شخص قريب مني وهو "جدّي .. أبو امي"
توفي يوم الجمعة ٢١/١٠/٢٠١٦ الساعة ٦:٠٠ مساء .
توفي وأمي تقرأ عليه وهي حاطة يدها على قلبه .
توفي بدون ماشوفه "وكانت آخر مره اشوفه فيها قبل وفاته بيوم" .
توفي بسبب مرض السرطان "بعيد الشر عني وعنكم جميعاً" .
.
.
#يوم_الجمعه :
كان كأي جمعه نزورهم فيها الفرق ان "جدي" كان متنوم بالمستشفى .. قبل المغرب راح الكل يزوره وتركونا يالاحفاد بالبيت "بحكم ان معنا طفله ماتجاوزت السنه" .. عالعشاء اسمع دخلتهم علينا وقتها جدياً قلبي وقف وانا اسمعهم بس كنت اقنع نفسي لا هم يضحكون ويعلقون على جدي الا واشوف الكل يبكي ويقول ابوي مات ، ما اقدر اوصف لكم اشكالنا "الكل منهار ويصيح من اكبرنا لاصغرنا إلا انا احاول امسك نفسي قد ما اقدر واهدي فيهم -وهذا مايمنع نزول كم دمعه مني- " .
#يوم_السبت_الأحد_والأثنين
جدياً مادري كيف مرت علينا هالثلاث ايام .. بدايتها صلّوا عليه عصر يوم السبت "محد رضى نروح نصلي عليه بالمسجد وهذا احد الاسباب اللي للحين ماخلتني اصدق موتته" استقبلنا المعزين ودعواتهم له بالرحمه والمغفره والصبر لنا .
انتهى العزا وانتهت الأيام الصعبة والاصعب لسّه ماجت .. ما أقدر اتخيل شكلنا الجمعه واحنا جايين وما اشوفه يدخل علينا بابتسامه ويقول "أهلاً بأحبابي بدّو عليّا ،كنّي ملكت الأرض في يديّا".. ما أقدر اتخيل جمعتنا وضحكنا ورقصنا بدونه وبدون ضحكته واستهباله معنا .. ما اتخيل صباح العيد بدون دخلته علينا وسلامه علينا .. ما اتخيل الصباحات اللي تجي بدون ما يسيّر علينا ولو لخمس دقايق .. اشياء كثير ما اتخيل كيف رح نعيشها بدونه وبدون صوته ..والأصعب ما اتخيل نفسي وأنا اذكره واقول "الله يرحمه" .
.
"الله يرحمك يابه ويسكنك الفردوس الاعلى يارب"
وشكراً
وشكراً
